ابوذیّات ساعة و سلامات
النذل ما بیه حمیّه اشلون ینضاف
الگلبه اسود ابد ما یوم ینضاف
اجتمع ویّه الشماته عدو ینضاف
عگرب یلدق ابعینه الجویّه
...
حبسنی ابسکته حقد النساء شرهن
حیایة بر و سمهن نار شرهن
عگرب بیه تسع خرزات شرهن
اذا لدقنّک اتضوک المنیّه
...
احب البیه وفه ابذاته و غیره
امتحنه البیه دغش لابد وغیره
ارید ارکب نظر فکری وغیره
واعوف البیه رده و البیه اذیّه
...
ابدسیست شامتی گلبی وعاباه
عفاه ما عاتبه عافه وعاباه
ترس جیبه فتن ضدّی وعاباه
او یدوّر فرصه ینثرهن علیّه
...
ابطن ذاتی اذیتی ماجرالی
دفنت السر الغیری ماجرالی
الدمع بعیونی عسّر ماجرالی
السبب لا تفرح الشمّات بیّه
...
البیه واهس ابزوده انتشع بالخیل
السبع ما ینطرح للذیب بالخیل
الزماط اعلی السبگ ینحسم بالخیل
اذا مهرک اصیل الفوز جیّه
...
بعد یا ولفی اظن حالف مبارک
ابعذر ما تنشد او خانس مبارک
انخطبت او زفّتک عرسک مبارک
تظمهه لیش مهرک عید الیّه
...
ازلوف الولف کتّن فوگ واراه
یلمعن والسدر بلّور واراه
ابحلم و اتذکّره بالنوم واراه
غصن ریحان و ایعطّر علیّه
...
علیّه النّاس ما هادت و نامت
گطع حبل الوصل ولفی ونامت
کل الخلگ مرتاحه ونامت
وانا بهمومی اجلّب میّه میّه
...
نزل بالسوگ غازلنه بسنّه
غزال او ظل یباری النه بسّنه
امن اشوفه ابفرشته یفرک بسنّه
الگلب فاهی علیه طرگاعه الیّه
...
رحم اللّه الخلق هل خشف ودّیچ
یحلوه ریت اظل ابگلب ودّچ
محنتی مثل واوی الکدر ودّیچ
یعوعی او جاب خناگه ابزویّه
...
احیود ایطمطم الشینه غدرها
ولا صادوا غزال ابسد غدرها
اذا جفّت معابرها غدرها
یرفسون الارض و اینبع میّه
...
عسی روحی ابالم دایم معاشات
عیشت ذل عمر و انطر معاشات
اشیکض الذیب لو کارص معاشات
الف واوی اذا حارص ثنیّه
...
الاودهه ابکل خطر مسهه ودلهه
ابطن گلبی اسکّنهه ودلهه
یجسم گوته منحوته ودلهه
الولی الهه و انومهه اعلی ادیّه
...
ابو اطباع الذهب بالنسب یربا
لو شفته ابعسر ما طار یربه
اطلبه بالشداید عون یربه
اخی ایصیر الک لو بیه حمیّه
...
الرجل لازم یجرب اهله و گومه
ابمجالسهم و اله گعده و گومه
الخاین طرده من بیتک وگومه
افضحه او خلّه عبره اسمه ابردیّه
...
الرجل کون ابوکتهه سبع مالام
الخاف او سرسب امن المعر مالام
الیکبّر نفسه بین الزلم مالام
ابمحنّه و ابعلم یرثی الخویّه
...
القلم ما جاز الی اعلی الغضب یاسف
الیغث النّاس حگّه الضرب یاسف
اتلامع و انت ابیمنای یاسف
واخذ حگّی من العالوا علیّه
...
جاسم ثعلبی الحسّانی 16/06/1400
:: برچسب‌ها:
ابوذیّات ساعة و سلامات ,
:: بازدید از این مطلب : 1005
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
